”ქართული ოცნების პოლიტსაბჭოზე მიღებული იქნა გადაწყვეტილება და პარტიამ ჩემი, როგორც თავმჯდომარის წარდგინების საფუძველზე, საქართველოს პრემიერ-მინისტრის პოსტზე კანდიდატად ირაკლი ღარიბაშვილი წარადგინა – აღნიშნული ინფორმაცია ”ქართული ოცნების” პოლიტსაბჭოს თავმჯდომარემ ირაკლი კობახიძემ საგანგებო ბრიფინგზე გააჟღერა.
”ყველას კარგად მოგეხსენებათ , რომ ირაკლი ღარიბაშვილი არის ”ქართული ოცნების” დამფუძნებელი და ერთ-ერთი ლიდერი. მისი მინისტრობის და პრემიერ-მინისტრობის დრო განხორციელდა უმნიშვნელოვანესი რეფორმები, მას შეუძლია იბრძოლოს ქვეყნის წინაშე მდგარი გამოწვევების დაძლევისთვის. წარმატებებს ვუსურვებ მას” – დასძინა კობახიძემ.
”ემოციური დღეა ყველასთვის. ამის მიუხედავად ჩვენმა გუნდმა სწრაფად მიიღო გადაწყვეტილება და დიდი მადლობა მინდა გადავუხადო გუნდს ჩემი დასახლებისთვის პრემიერის პოსტზე. ეს არის დიდი პასუხისმგებლობა და დიდი პატივი. ჩვენი ქვეყნის წინაშე არის უამრავი გამოწვევა – პანდემია, სიდუხჭირე, უმუშევრობა – ეს ყველაფერი საჭიროებს სწრაფ გადაწყვეტილებებს. მინდა აღვნიშნო, რომ ბუნებრივია ძალიან მალე აღვადგენთ წონასწორობას და წესრიგს, რომ ქვეყანამ გააგრძელოს კონსტიტუციის ფარგლებში ფუნქციონირება” – განაცხადა ირაკლი ღარიბაშვილმა.
Loading ...