ირაკლი კუპრაძემ თბილისის ვიცე-მერობის და საკრებულოს თავმჯდომარის კანდიდატები დაასახელა

პარტიებმა „გახარია საქართველოსთვის“ და „ლელომ“, თბილისის მერობის კანდიდატთან ერთად, ვიცე-მერობის კანდიდატებიც დაასახელეს.

კერძოდ, მათი კოალიციიდან ვიცე-მერობის კანდიდატები იქნებიან ალეკო ელისაშვილი და ტატა ხვედელიანი.

გარდა ამისა, როგორც ორი პარტიის მერობის საერთო კანდიდატმა, ირაკლი კუპრაძე აღნიშნა, თბილისის საკრებულოს თავმჯდომარეობის კანდიდატი გიორგი შარაშიძე იქნება.

„ჩვენ ვემზადებით ბრძოლისთვის, სადაც, არ მოვერიდები ამ სიტყვას – უნდა გამოგლიჯოთ თბილისი, უნდა გამოვგლიჯოთ თბილისი უსამართლობასა და უკანონობას, ჩვენ უნდა გამოვგლიჯოთ თბილისი რუსულ ურდოს. ჩვენ უნდა შევძლოთ, რომ ეს ქალაქი იყოს ნარკოტიკების გარეშე, ეს ქალაქი იყოს მშიერი ბავშვების გარეშე, ჩვენ უნდა შევძლოთ, რომ ეს ქალაქი იყოს სავსე ღირსეული შრომით, ღირსეული ანაზღაურებით, ღირსებით სავსე პენსიონერებით, რომლებსაც აქვთ ამის შესაძლებლობა. ამ ბრძოლაში ჩვენ გთავაზობთ სწორედ ამ გუნდს, ჩავჭიდოთ ხელი და გაჩვენებთ, რომ ჩვენ ეს შეგვიძლია“,- აღნიშნა კუპრაძემ.