ინდოეთმა ჩინეთს მოსახლეობის რაოდენობით გაუსწრო

მოსახლეობის რაოდენობით ინდოეთმა ჩინეთს გაუსწრო. ახლა ინდოეთში 5 მილიონით მეტი ადამიანი ცხოვრობს ვიდრე ჩინეთში.

დამოუკიდებელი ორგანიზაციის World Population Review-ის შეფასებით, ინდოეთის მოსახლეობა 1,417 მილიარდს შეადგენდა 2022 წლის ბოლოსთვის.

ჩინეთის სტატისტიკის სამსახურის ცნობით, ქვეყანაში 1,411 მილიარდი ადამიანი ცხოვრობს.

მანამდე, 17 იანვარს, ჩინეთის ხელისუფლებამ განაცხადა, რომ 1960-იანი წლების შემდეგ პირველად ჩინეთის მოსახლეობა, წინა წელთან შედარებით, 850 ათასი ადამიანით შემცირდა.