ილია თოფურია UFC-ის მსუბუქი წონის ჩემპიონია. UFC 317-ზე, რომელიც ლას-ვეგასში, ნევადას შტატში, T-Mobile Arena-ზე გაიმართა, 28 წლის ქართველი მებრძოლის მეტოქე, 35 წლის ბრაზილიელი, ჩარლზ ოლივეირა იყო. მან ბრაზილიელი მებრძოლი პირველივე რაუნდში, ნოკაუტით დაამარცხა.
აღსანიშნავია, რომ თოფურია UFC-ს ქვემსუბუქი დივიზიონის ყოფილი ჩემპიონია. მან ქამარი თებერვალში საკუთარი ნებით დათმო და განაცხადა, რომ მსუბუქ დივიზიონში გადადიოდა, სადაც საჩემპიონო ბრძოლას ჩაატარებდა. 28 წლის ქართველი მებრძოლი ოლივეირასთან ბრძოლას დაუმარცხებელი შეხვდა. შერეულ ორთაბრძოლებში მან 16 შეხვედრა ჩაატარა და ყველა მოიგო.
თოფურიას UFC-ში სწრაფმა აღმასვლამ მისი შემოსავლების მკვეთრი ზრდა გამოიწვია. სპორტული გამოცემა thesportster-ზე დაყრდნობით, თოფურია UFC 317-ისთვის დაახლოებით 4 მილიონ დოლარს გამოიმუშავებს. ეს მოიცავს მის საბაზისო ხელფასს, გამარჯვების ბონუსს (ასეთის არსებობის შემთხვევაში), შესრულების ბონუსებს და რაც მთავარია, ღონისძიების ფასიანი ტელევიზიების გაყიდვების წილს.
რაც შეეხება ჩარლზ ოლივეირას, მიუხედავად იმისა, რომ ჩარლზ ოლივეირა UFC 317-ში აუტსაიდერის სტატუსით შევიდა, ის მსუბუქი წონის დივიზიონში ერთ-ერთ ყველაზე პატივსაცემ და სტაბილურ შემოსავალს ინარჩუნებს. წყაროს ცნობით, ბრაზილიელი ვეტერანი ამ ბრძოლიდან დაახლოებით 2.5 მილიონ დოლარსგამოიმუშავებს. ეს შეფასება მოიცავს მის გარანტირებულ საბრძოლო შემოსავალს და PPV შემოსავლის ნაწილს, რომელიც მას, როგორც ყოფილ ჩემპიონსა და სპორტის ვარსკვლავს, ეკუთვნის.
Loading ...