ითოვებს თუ არა შაბათ-კვირას გურიის რეგიონში? – ამინდის პროგნოზი

 გარემოს ეროვნული სააგენტოს მონაცემებით, საქართველოში უახლოეს დღეებში საკმაოდ რთული მეტეოროლოგიური პირობები იქნება შენარჩუნებული.

11 თებერვლამდე საქართველოში შენარჩუნებული იქნება რთული მეტეოროლოგიური პირობები: ძლიერი ქარი, ზოგან ძლიერი თოვა, მაღალმთიან რეგიონებში ნისლი და ქარბუქი, ზღვაზე შტორმი, საავტომობილო გზებზე ლიპყინული, ელექტროგადამცემ ხაზებზე შემოყინულობა. საავტომობილო გზების ცალკეულ მონაკვეთებზე დიდთოვლობის, ხილვადობის გაუარესების, ქარბუქის და ზვავსაშიშროების გამო შესაძლებელია შეიზღუდოს ტრანსპორტის გადაადგილება.

9-11 თებერვალს საქართველოს მთელ ტერიტორიაზე მნიშვნელოვნად აცივდება. კოლხეთის დაბლობზე ღამის საათებში ჰაერის ტემპერატურის -5, -8 გრადუსამდე მოსალოდნელმა დაწევამ შესაძლებელია ციტრუსოვანი კულტურების დაზიანება გამოიწვიოს.

თოვლი და წვიმაა მოსალოდნელი გურიის რეგიონშიც. ხვალ და ზეგ ოზურგეთში წვიმა და თოვა, ტემპერატურით -7 დან  1-მდე, ზეგ კი სუსტი თოვლი,  -4 -დან  2 – მდე არის მოსალოდნელი. ჩოხატაურში ხვალ,ასევე, წვიმა და თოვლი, ტემპერატურა კი -2 დან 4 გრადუსამდე იქნება, ზეგ ჩოხატაურში სუსტი თოვაა მოსალოდნელი, ტემპერატურა  კი  -6 დან 1 გრადუსამდე  დაეცემა. რაც შეეხება ლანჩხუთს, ეს გურიაში ერთადერთი მუნიციპალიტეტია, სადაც ამინდის პროგნოზის მიხედვით ინტენსიური თოვაა მოსალოდნელი. ლანჩხუთში ხვალ წვიმა და თოვლი, ტემპერატურა –  -1 დან 5 გრადუსამდე, ხოლო ზეგ  სითბო -4 დან 3 გრადუსამდე დაეცემა და ინტენსიური თოვლი არის ნავარაუდევი.