იალბუზზე ალპინისტების ჯგუფი დაიკარგა. მაშველებმა სამი ადამიანი გარდაცვლილი იპოვეს, ძებნა გრძელდება

იალბუზზე, ოც გრადუსიანი ყინვისას ალპინისტების ჯგუფი მას შემდეგ დაიკარგა, რაც გიდმა მიატოვა.

ჯგუფი 19 მთასვლელისგან შედგებოდა , განგაშის სიგნალის გაგზავნამდე ისინი დაახლოებით 5000 მეტრის სიმაღლეზე იყვნენ. რუსეთის საგანგებო სიტუაციების სამინისტროში აცხადებენ, რომ მწვერვალზე ამ მომენტისათვის უკიდურესად მძიმე მეტეოროლოგიური პირობებია – ტემპერატურა მინუს 20 გრადუსი, ქარბუქი, ქარის სიჩქარე წამში 40 მეტრამდე, ხილვადობა არაუმეტეს ერთი მეტრისა.

საგანგებო სიტუაციების სამინისტროს განცხადებით, ხუთი მთამსვლელი ცოცხალი იპოვეს, კიდევ სამი – გარდაცვლილი. დანარჩენის ძებნა გრძელდება.

საგანგებო სიტუაციების სამინისტროში ასევე აღნიშნავენ, რომ გიდმა, რომელიც ჯგუფს ახლდა, მიატოვა ისინი. TASS წყაროს თანახმად, გიდიც და მთამსვლელებიც არაპროფესიონალები არიან.