თხილის მწარმოებელთა ასოციაციის აღმასრულებელი საბჭოს თავმჯდომარის მერაბ ჭითანავას განცხადებით, ასოციაცია მიმდინარე წელს 55 ათასი ტონა თხილის მოსავლის აღებას ვარაუდობს, რაც გასული წლის მაჩვენებელზე 10%-ით მეტი იქნება. ცნობისთვის, გასულ წელს საქართველომ თხილის 50 ათასი ტონა მოსავალი აიღო.
“2020-ში თხილის მოსავლიანობის და მისი ხარისხიანობის გამო ძალიან კარგი წელი გვქონდა. ფერმერებს უკანასკნელი 4 წლის განმავლობაში პირველად ჰქონდათ ასეთი შედეგი. ასოციაციის წევრ ფერმერზე თხილზე მაქსიმალური ფასი 9.70 თეთრი დაფიქსირდა. ის ადამიანი, ვინც სავალდებულო წამლობებს არ შეასრულებს, არ შეიტანს თხილის ბაღებში სასუქს და იზარმაცებს, შედეგს ვერ მიიღებს. ეს ფერმერებმა დაინახეს. სექტორი მეტ-ნაკლებად გაცნობიერებულია. ახლა ჩვენ აღმავლობის გზაზე ვართ”, – განაცხადა მერაბ ჭითანავამ.
ცნობისთვის: თხილის მოსავალი ბოლო ხუთი წლის მაქსიმუმზეა. სექტორმა პრობლემები ეტაპობრივად მოაგვარა და შესაბამისი შედეგიც მიიღო. I კვარტალში საქართველომ თხილის ექსპორტიდან $25 მილიონი მიიღო, ზრდა 113%-ია.
www.bm.ge
Loading ...