თურქეთში ძლიერი მიწისძვრა მოხდა – არიან დაშავებულები

თურქეთში ძლიერი მიწისძვრა მოხდა. ინფორმაციას „ბიბისი“ ავრცელებს.

გამოცემის ცნობით, მიწისძვრის ეპიცენტრი ქვეყნის დასავლეთ ნაწილში, ქალაქ დუზჯეში დაფიქსირდა. ბიძგების სიმძლავრემ 6.0 მაგნიტუდა შეადგინა.

მიწისქვეშა ბიძგები იმდენად ძლიერი იყო, რომ სტამბოლშიც იგრძნობოდა.

ძლიერი მიწისძვრის შედეგად 22 ადამიანი დაშავდა. ინფორმაციას თურქეთის სახელმწიფო საინფორმაციო სააგენტო „ანადოლუ“ ავრცელებს.

ქალაქ დუზჯეში მიწისძვრა ბოლოს 1999 წელს მოხდა, მაშინ 7.2 მაგნიტუდის სიმძლავრის სტიქიას 845 ადამიანის სიცოცხლე ემსხვერპლა.