ნარკობარონის სახლში, სპეცრაზმელები სპეციალური აღჭურვილობებით და უსაფრთხოების განსაკუთრებული წესების დაცვით შევიდნენ. თურქმა სამართალდამცველებმა ბინაში ხელბორკილები 10-მდე პირს დაადეს, მათ შორის იყვნენ ქალებიც.
სპეცოპერაციის ადგილას, სამართალდამცველებს ნარკოდანაშაულის დამადასტურებელი მტკიცებულებები დახვდათ.
კადრებში, რომელიც თურქეთის პოლიციამ გაავრცელა ჩანს, რომ სპეცოპერაციის ადგილას, სამართალდამცავებს სხვადასხვა დასახელების ნარკოტიკი, დიდი რაოდენობით თანხა და ოქროულობა დახვდათ.
თურქეთის დედაქალაქში მასშტაბური სპეცოპერაცია გამთენიისას დაიწყო. პოლიცია ერთდროულად 626 სხვადასხვა მისამართზე მობილიზდა.
სპეცოპერაციის დეტალებზე, დღის ბოლოს თურქეთის შინაგან საქმეთა მინისტრმა ისაუბრა და ჩატარებულ საპოლიციო ღონისძიებებს, ქვეყნის ისტორიაში ყველაზე მასშტაბური ანტინარკოტიკული ოპერაცია უწოდა.
ოპერაცია სახელწოდებით “ბულუტი”, ევროპოლმა დაგეგმა და მასში, თურქეთის გარდა, 11 ქვეყნის სამართალდამცველები მონაწილეობდნენ.8 თვის განმავლობაში პოლიცია ნარკოკარტელების ყველა აქტივობას დეტალურად სწავლობდა. გამოიკვეთა 4 დანაშაულებრივი ჯგუფი, რომლებსაც თურქეთში და ევროპის ქვეყნებში ყოველწლიურად 21 ტონა აკრძალული ნივთიერებები, მათ შორის “ჰეროინი”, “კოკაინი”, “კანაბისი” და “ექსტაზი” სამხრეთ ამერიკის ქვეყნებიდან საზღვაო და სახმელეთო გზებით, გადაჰქონდათ.
ოპერაცია “ბულუტს” საფრანგეთის და ავსტრალიის სადაზვერვო სამსახურმა გაუწიეს მხარდაჭერა. ევროპის კონტინენტზე ჩატარებული ოპერატიული მოქმედებების შედეგად 225 პირი დააკავეს თურქეთში, ნიდერლანდებში 4, გერმანიაში 2, ბელგიაში 1, ესპანეთში 1. ამოღებულია 300 მილიონი ევროს ღირებულების აქტივები.
rustavi2.ge
Loading ...