თურქეთში გზაზე გაჩენილ ნაპრალებში მანქანები ჩავარდა (+ვიდეო)

თურქეთის ქალაქ ანტალიასა და დემირკოპრუს შორის გზაზე გაჩენილ ნაპრალებში მანქანები ჩავარდა. ინფორმაციას sozcu.com.tr ავრცელებს.  სტიქიის შედეგად გზაზე გადაადგილება შეუძლებელი გახდა. მაშველებმა მძღოლებს აუცილებელი დახმარება აღმოუჩინეს.

ცნობისთვის, 6 თებერვალს, გამთენიისას, თურქეთში ძლიერი მიწისძვრა მოხდა. 7,8 მაგნიტუდის ბიძგებს მსხვერპლი და ნგრევა მოჰყვა თურქეთსა და სირიაში.

მიწისძვრის ეპიცენტრი თურქეთის ქალაქ გაზიანთეფიდან ჩრდილოეთით, სირიის საზღვრიდან დაახლოებით 90-მდე კილომეტრის მოშორებით იყო.