თურქეთის პრეზიდენტს კორონავირუსი დაუდასტურდა

თურქეთის პრეზიდენტს კორონავირუსი დაუდასტურდა. აღნიშნულის შესახებ რეჯეფ თაიფ ერდოღანმა საკუთარ „ტვიტერის“ გვერდზე დაწერა.

თურქეთის პრეზიდენტის თქმით, მას და მის მეუღლეს ვირუსის მსუბუქი სიმპტომები აღენიშნებათ.

რეჯეფ თაიფ ერდოღანის ინფორმაციით, თვითიზოლაციაში იმყოფება და მოვალეობის შესრულებას სახლიდან აგრძელებს.

„კოვიდ-19“-ის ტესტი, რომელიც მე და ჩემმა მეუღლემ ავიღეთ მსუბუქი სიმპტომების გამოვლენის შემდეგ, დადებითი აღმოჩნდა. საბედნიეროდ, დაავადება, რომელიც, როგორც შევიტყეთ, არის „ომიკრონი“, მსუბუქად მიმდინარეობს. ჩვენ გავაგრძელებთ ჩვენს მისიას, გავაგრძელებთ მუშაობას სახლიდან. ჩვენ მოუთმენლად ველოდებით თქვენს ლოცვებს“, – ნათქვამია რეჯეფ თაიფ ერდოღანის მიერ გავრცელებულ განცხადებაში.

Bugün hafif belirtiler üzerine eşimle birlikte yaptırdığımız COVID-19 testimizin sonucu pozitif çıktı. Omicron varyantı olduğunu öğrendiğimiz hastalığı hamdolsun hafif geçiriyoruz.

Görevimizin başındayız. Çalışmalarımıza evde devam edeceğiz. Dualarınızı bekliyoruz.

— Recep Tayyip Erdoğan (@RTErdogan) February 5, 2022