თვითმფრინავის ჩამოვარდნის შემდეგ ხუთი ადამიანი ალიგატორებით სავსე ჭაობში ჩავარდა – ამაზონის ჯუნგლებში მომხდარი საოცარი ამბავი

ამა­ზო­ნის ჯუნ­გლებ­ში თვითმფრი­ნა­ვი ალი­გა­ტო­რე­ბით და­სახ­ლე­ბულ ჭა­ობ­ში ჩა­მო­ვარ­და – ის ად­გი­ლობ­რივ­მა მე­თევ­ზე­ებ­მა პა­რას­კევს, ბო­ლი­ვი­ის ამა­ზო­ნა­სის რე­გი­ონ­ში იპო­ვეს.

ბე­ნის დე­პარ­ტა­მენ­ტის სა­გან­გე­ბო ოპე­რა­ცი­ე­ბის ცენ­ტრის დი­რექ­ტო­რის გან­ცხა­დე­ბით, ბორტზე მყო­ფი ხუ­თი­ვე მგზავ­რი გა­და­არ­ჩი­ნეს – სამი ქალი, ერთი ბავ­შვი და 29 წლის პი­ლო­ტი.

სამ­ძებ­რო-სა­მაშ­ვე­ლო ოპე­რა­ცია ხუთ­შა­ბათს და­ი­წყო მას შემ­დეგ, რაც თვითმფრი­ნა­ვი ცენ­ტრა­ლურ ბო­ლი­ვი­ა­ში, ბე­ნის დე­პარ­ტა­მენ­ტის რა­და­რი­დან გა­უ­ჩი­ნარ­და. პი­ლოტ­მა ად­გი­ლობ­რივ მე­დი­ას გა­ნუ­ცხა­და, რომ ძრა­ვის გა­უ­მარ­თა­ო­ბის გამო მდი­ნა­რე იტა­ნო­მას­თან ახ­ლოს სა­გან­გე­ბო დაშ­ვე­ბა გა­ნა­ხორ­ცი­ე­ლა.

“ალი­გა­ტო­რე­ბით ვი­ყა­ვით გარ­შე­მორ­ტყმულ­ნი, რომ­ლე­ბიც ჩვენ­გან სამი მეტ­რის რა­დი­უს­ში იყ­ვნენ. თვითმფრი­ნა­ვი­დან ბენ­ზი­ნის გა­ჟონ­ვამ მტა­ცებ­ლე­ბი შე­ა­ჩე­რა” – გა­ნა­ცხა­და პი­ლოტ­მა და აღ­ნიშ­ნა, რომ სა­ვა­რა­უ­დოდ, წყალ­ში ანა­კონ­დაც და­ი­ნა­ხეს.

ბე­ნის რე­გი­ო­ნის ჯან­დაც­ვის დე­პარ­ტა­მენ­ტის დი­რექ­ტორ­მა, რუ­ბენ ტო­რეს­მა, გა­ნა­ცხა­და, რომ თვითმფრი­ნა­ვის გა­უ­ჩი­ნა­რე­ბის შემ­დეგ “ამ საქ­მეს­თან და­კავ­ში­რე­ბით ბევ­რი ვა­რა­უ­დი“ და “ბევ­რი თე­ო­რია“ არ­სე­ბობ­და.

“ბედ­ნი­ე­რი ვარ, რომ და­კარ­გუ­ლე­ბის სა­პოვ­ნე­ლად და მათი სი­ცო­ცხლის გა­და­სარ­ჩე­ნად ყვე­ლა გა­ერ­თი­ან­და” – ამ­ბობს ის.