თელავი-გურჯაანის დამაკავშირებელ მაგისტრალზე ავტომობილი ქვეითად მოსიარულეს დაეჯახა

თელავი-გურჯაანის დამაკავშირებელ ავტომაგისტრალზე, ქალაქის გასასვლელთან მსუბუქი ავტომობილი შუახნის ქალს დაეჯახა.

თვითმხილველების ინფორმაციით, შემთხვევა მაშინ მოხდა, როცა ის გზის გადაკვეთას ცდილობდა.

დაშავებული სასწრაფო-სამედიცინო დახმარების ბრიგადამ თელავის საავადმყოფოში გადაიყვანა. ექიმების თქმით, მას მრავლობითი ტრავმები აღენიშნება.

შემთხვევის ადგილზე ექსპერტ-კრიმინალისტები მუშაობენ.

www.1tv.ge