თეირანში ამირის სახელობის ტექნოლოგიური უნივერსიტეტის წინ რამოდენიმე ასეული მომიტინგე შეიკრიბა და ქვეყნის უმაღლესი ლიდერის, აიათოლა ალი ჰამენეის გადადგომა მოითხოვეს.
“მთავარსარდალო წადი” – სკანდირებდნენ დემონსტრანტები, რომლებიც აღშფოთებას გამოთქვამდნენ ირანელი სამხედროების მიერ სამგზავრო თვითმფრინავის ჩამოგდების გამო.
ირანულ სოციალურ ქსელებში ვრცელდება ვიდეოები, სადაც ჩანს მომიტინგეები, რომლებიც სკანდირებდნენ: “გადადგომა საკმარისი არაა, აუცილებელია სასამართლო”.
ვრცელდება ინფორმაცია, რომ დემონსტრაციები იმართება სხვა უნივერსიტეტებთანაც, მათ შორის ერთ-ერთ ყველაზე პრესტიჟულ, შერიფის სახელობის ტექნოლოგიურ უნივერსიტეტთან, რომლის 10 სტუდენტი დაიღუპა ირანელების მიერ ჩამოვარდნილ თვითმფრინავში.
ირანის მოქალაქეები აღშფოთებას გამოთქვამენ მომხდარის გამო სოციალურ ქსელებში, ისინი მომხდარში ხელისუფლებას ადანაშაულებენ.
დღეს საღამოს ირანელები თეირანის ცენტრში იკრიბებიან და სკანდირებენ “სიკვდილი დიქტატორს”. ისინი არმიის მთავარსარდალის, რომელიც ქვეყნის ლიდერია, გადადგომას ითხოვენ.
ირანში მიაჩნიათ, რომ არა საერთაშორისო ზეწოლა ირანი არასოდეს აღიარებდა ჩადენილ შეცდომას.
www.bbc.com
Loading ...