თეთრი სახლი – გაიყინება რუსული კომპანიების და ოლიგარქების აქტივები – იახტები, სასახლეები

ავამუშავებთ მრავალმხრივ ტრანსატლანტიკურ სამუშაო ჯგუფს, რათა ამოცნობილი, ლოკალიზებული და გაყინული იქნას სანქცირებული რუსული კომპანიების და ოლიგარქების აქტივები, – ამის შესახებ ინფორმაციას თეთრი სახლი “ტვიტერის”‘გვერდზე ავრცელებს.

მათივე ინფორმაციით, რუსეთისთვის დაგეგმილია ისეთი სანქციები, რომ “რუსეთი ვერ გამოიყენებს თავის ცენტრალურ ბანკს თავისი ვალუტის მხარდასაჭერად”.

“მომავალ კვირას ავამუშავებთ მრავალმხრივ ტრანსატლანტიკურ სამუშაო ჯგუფს, რათა ამოცნობილი, ლოკალიზებული და გაყინული იქნას სანქცირებული რუსული კომპანიების და ოლიგარქების აქტივები – მათი იახტები, სასახლეები და მანკიერი გზით მოპოვებული სხვა შენაძენები, რომელთა ამოცნობას და კანონის ძალით დაყადაღებასაც შევძლებთ”, – ნათქვამია თეთრი სახლის მიერ გავრცელებულ ინფორმაციაში.