თბილისში, გურამიშვილის გამზირის მიმდებარე ტერიტორიაზე, საზოგადოებრივ ტრანსპორტში ქმარმა ცოლი მცირეწლოვანი შვილების თანდასწრებით მოკლა. შემთხვევა ცოტა ხნის წინ მოხდა.
„ქმარმა შვილების თვალწინ ცოლს ყელი გამოჭრა ავტობუსში, არ ვიცი ცოცხალია თუა არა“, – წერს თვითმხილველი ზაზა კოშკაძე სოციალურ ქსელში და ფოტოს აქვეყნებს.
ადგილზე იმყოფებიან სამართალდამცველები და სასწრაფო სამედიცინო დახმარების ეკიპაჟები.
თვითმხილველების თქმით, ქალი ადგილზე გარდაიცვალა.
როგორც შინაგან საქმეთა სამინისტროში „პრაიმტაიმს“ განუცხადეს სამართალდამცველებმა კაცი ცხელ კვალზე დააკავეს.
მომხდართან დაკავშირებით გამოძიება სისხლის სამართლის კოდექსის 11 პრიმა 109 მუხლით მიმდინარეობს, რაც ოჯახის წევრის განზრახ დამამძიმებელ გარემოში მკვლელობას გულისხმობს.
კომენტარები
Loading ...