თბილისის შესასვლელთან საავტომობილო მოძრაობა მთელი დღის განმავლობაში შეიზღუდება

“საერთაშორისო მნიშვნელობის თბილისი-სენაკი-ლესელიძის საავტომობილო გზის კმ16 მონაკვეთზე (თბილისის შემოსასვლელი), მეკლდეურების მეშვეობით ხორციელდება მთის ფერდის ჩამოწმენდის სამუშაოები. ამასთან დაკავშირებით, 2025 წლის 17 სექტემბერს, 12:00 საათიდან 20:00 საათამდე თბილისის მიმართულებით შეიზღუდება ყველა სახის ავტოტრანსპორტის მოძრაობა.

შეზღუდვის პერიოდში ავტოტრანსპორტის გადაადგილება მოხდება ალტერნატიული სქემით:

სენაკი–თბილისის მიმართულებით მოძრავი ტრანსპორტი გადაერთვება საერთაშორისო მნიშვნელობის თბილისის შემოვლით გზაზე, ზაჰესის მიმართულებით.

მცხეთიდან თბილისის მიმართულებით მოძრავი ტრანსპორტი გადაერთვება თბილისი-სენაკი-ლესელიძის გზის თბილისი-სენაკის მიმართულებაზე, შემდეგ კი თბილისის შემოვლით გზაზე, ზაჰესის მიმართულებით” | წერია გავრცელებულ განცხადებაში.

რამდენიმე დღის წინ, თბილისის შემოსასვლელთან მიწა ჩამოიშალა და სატვირთო მანქანას დაეცა. შემთხვევის შედეგად არავინ დაშავებულა.