თბილისის მერის წლიურ ანგარიშს საკრებულოში პროტესტის ფონზე უსმენენ

თბილისის საკრებულოში, სადაც დედაქალაქის მერი, კახა კალაძე წლიური ანგარიშს წარადგენს, ხმაური იყო.
სამოქალაქო აქტივისტებმა საკრებულოს სხდომაზე ბანერი წარწერით „კორუფცია კლავს” მიიტანეს, რომელიც გაშლიდან რამდენიმე წამში ჩამოახსნევინეს დაცვის თანამშრომლებმა.

მერის ანგარიშის პარალელურად აქცია გაიმართა საკრებულოს შენობასთანაც. აქტივისტებს ბანერებზე სხვადასხვა სლოგანი ეწერათ იმ პრობლემების ჩამონათვალით, რაც მათი აზრით, თბილისს აქვს.

ქალაქის მერმა, კახა კალაძემ ანგარიშის წარდგენამდე საკრებულოს დეპუტატებს სთხოვა, წუთიერი დუმილით მიეგოთ პატივი ვაკის პარკის ახალრეაბილიტირებულ შადრევანში დაღუპული 13 წლის მოზარდის, მარიტა მეფარიშვილის ხსოვნისთვის.

საკრებულოში კალაძის ანგარიშის წარდგენის გარდა დღესვე დაგეგმილია თბილისის 2023 წლის ბიუჯეტის დამტკიცებაზე მსჯელობა.