“სოლიდარობა აფრიკის დასახლებას”- ამ ლოზუნგით თბილისის მერიასთან აფრიკის დასახლებაში შენობების დემონტაჟის გამო, საპროტესტო აქცია მიმდინარეობს. აქციის მონაწილეებს თან აქვთ პლაკატები წარწერით: “სახლი ყველას” ,”ხალხი მართალს ამბობს”.
აქციაზე იმყოფებიან აფრიკის დასახლებაში მცხოვრები მოსახლეობა, სამოქალაქო აქტივისტები და მოქალაქეები.
როგორც ისინი აცხადებენ, ისინი მხარდაჭერას უცხადებენ იმ ოჯახებს, რომელთა შენობების დემონტაჟი გუშინ განახორციელა თბილისის მერიამ. ასევე ადგილობრივები მოითხოვენ, გუშინ დაკავებული ყველა პირის გათავისუფლებას და შენობების დემონტაჟის შეჩერებას. ასევე, დედაქალაქის მერიასთან შეკრებილი აქციის მონაწილეები ითხოვენ დედაქალაქის მერი, კახა კალაძე აფრიკის დასახლებაში მცხოვრებ მოსახლეობას შეხვდეს.
როგორც მოსახლეობა აცხადებს, აქციები იქამდე გაგრძელდება, ვიდრე მათი მოთხოვნები არ დაკმაყოფილდება.
ამასთან, როგორც ცნობილია, აქციის მონაწილეები ხვალ შინაგან საქმეთა სამინისტროსთან გადაინაცვლებენ, სადაც საკუთარ მოთხოვნებს კიდევ ერთხელ გააჟღერებენ.
დედაქალაქის მერიასთან მობილიზებულები არიან სამართალდამცავებიც.
Loading ...