თბილისი-ზუგდიდის ავტობუსს, რომელშიც მგზავრები იმყოფებოდნენ, ხე დაეცა

თბილისი-ზუგდიდის მიმართულებით მოძრავ ავტობუსს, რომელიც მგზავრებით სავსე იყო, ზუგდიდის შემოსასვლელთან, ხე დაეცა.

როგორც მძღოლი  ყვება, ქარმა ხე მოგლიჯა, თუმცა მან სწრაფად დამუხრუჭება მოასწრო. ხემ ავტობუსის წინა ნაწილი დააზიანა.

ცნობისთვის, დასავლეთ საქართველოს რამდენიმე რეგიონში მეოთხე დღეა ძლიერი ქარია. სტიქიის გამო, გუშინ პრობლემები შეექმნა თბილისი-ზუგდიდის მატარებელს. ქარმა მატარებლის სადენები მოგლიჯა და მძღოლი იძულებული გახადა სენაკში გაჩერებულიყო.

ავტობუსის შესაკეთებლად მძღოლმა დახმარებისთვის ხობის მერიას მიმართა, მაგრამ ადგილობრივმა ხელისუფლებამ სტიქიისგან დაზარალებულს დახმარებაზე უარი უთხრა, მიზეზად კი დაუსახელა, რომ ტრანსპორტი კერძოა და მისი შეკეთება არ ეხება.

წყარო-მთავარი ტვ