თავდაცვის სამინისტრო სკოლის მოსწავლეებისთვის ახალ პროექტს – „ჯარის ბანაკი“ იწყებს

ახალგაზრდა თაობაში პატრიოტული სულისკვეთების ამაღლების, ჯანსაღი ცხოვრების წესის პოპულარიზაციისა და ქართული ჯარის შესახებ ინფორმირებულობის გაზრდის მიზნით თავდაცვის სამინისტრო ახალ პროექტს იწყებს.

„ჯარის ბანაკი“ ზაფხულში, კოჯორში, გიორგი ანწუხელიძის სახელობის სერჟანტთა აკადემიაში მოეწყობა და მასში ჩართვა მე-9, მე-10 და მე-11 კლასების მოსწავლეებს შეეძლებათ. თავდაცვისა მინისტრის მოადგილე გრიგოლ გიორგაძემ და განათლებისა და მეცნიერების მინისტრების მოადგილე თამარ მახარაშვილმა ბანაკისთვის განსაზღვრული ინფრასტრუქტურა პირადად დაათვალიერეს და სამხედროებთან ერთად თითოეული დღის პროგრამის შედგენაზე იმსჯელეს.

„თავდაცვისა და განათლებისა და მეცნიერების მინისტრების მოადგილეებმა, გრიგოლ გიორგაძემ და თამარ მახარაშვილმა ბანაკისთვის განსაზღვრული ინფრასტრუქტურა პირადად მოინახულეს და სამხედროებთან ერთად თითოეული დღის პროგრამის შედგენაზე იმსჯელეს. საზაფხულო „ჯარის ბანაკის“ აღსრულებას წვრთნებისა და სამხედრო განათლების სარდლობა უზრუნველყოფს. სერჟანტთა აკადემიაში ბანაკისთვის საჭირო ინფრასტრუქტურული და ფიზიკური აქტივობებისთვის განკუთვნილი სივრცეების მოსამზადებელი სამუშაოები უკვე დაწყებულია, მიმდინარეობს დღის გეგმაზე მუშაობა და სხვადასხვა აქტივობის პროგრამის დეტალურად გაწერა“,- ნათქვამია გავრცელებულ ინფორმაციაში.