პენსილვანიაში ჩასულ დონალდ ტრამპს თავს დაესხნენ – აშშ-ის ყოფილი პრეზიდენტი მის გამოსვლაზე შეკრებილ მხარდამჭერებს სცენიდან მიმართავდა, რა დროსაც მისი მიმართულებით გაისროლეს.
მედია უსაფრთხოების სამსახურზე დაყრდნობით წერს, რომ ამ დროისთვის, ის უსაფრთხო ადგილას იმყოფება. ასევე ცნობილია, რომ მის სიცოცხლეს საფრთხე არ ემუქრება.
“პრეზიდენტი ტრამპი მადლობას უხდის სამართალდამცველებს ამ საზარელი ფაქტის პირველადი რეაგირებისთვის. ის თავს კარგად გრძნობს და შემოწმებას ადგილობრივ სამედიცინო დაწესებულებაში გადის. დამატებით დეტალებზე მოგვიანებით ვისაუბრებთ”, – განაცხადა მისმა სპიკერმა.
აშშ-ის პრეზიდენტობის სავარაუდო კანდიდატის, დონალდ ტრამპის გუნდი აცხადებს, რომ ექსპრეზიდენტი თავს კარგად გრძნობს მას მერე, რაც პენსილვანიის შტატის ქალაქ ბატლერში სროლა იყო ამომრჩეველთან მის შეხვედრაზე.
საიდუმლო სამსახური გავრცელებულ განცხადებაში წერს, რომ “ყოფილი პრეზიდენტი უსაფრთხოდაა”.
სამართალდამცავების განცხადებით, მსროლელი ტრამპის შეხვედრის გარეთ იმყოფებოდა და ის აშშ-ის საიდუმლო სამსახურის თანამშრომლებმა მოკლეს, ინციდენტის შედეგად დაღუპულია კიდევ ორი ადამიანი. მათივე ცნობით, ტრამპის წინასაარჩევნო შეხვედრაზე მომხდარ სროლას იძიებენ როგორ ექსპრეზიდენტის მკვლელობის მცდელობას. მათივე ცნობით,
“პრეზიდენტი ტრამპი მადლობას უხდის სამართალდამცველებს და პირველადი რეაგირების [თანამშრომლებს] მათი სწრაფი მოქმედებისთვის ამ ვერაგული შემთხვევის დროს” – წერს ტრამპის პრესმდივანი და დასძენს “იგი თავს კარგად გრძნობს და შემოწმება უტარდება ახლოს მდებარე სამედიცინო დაწესებულებაში. სხვა დეტალები მოგვიანებით გავრცელდება”.
Loading ...