ზელენსკი ზაპოროჟიეში, ფრონტის ხაზზე ჩავიდა და უკრაინელი მებრძოლები დააჯილდოვა

უკრაინის პრეზიდენტი, ვოლოდიმირ ზელენსკი ზაპოროჟიეში ჩავიდა და უკრაინელი მებრძოლების პოზიციები მოინახულა. ზელენსკი თავდაცვის ფრონტის ხაზზე არსებულ ოპერატიულ ვითარებას გაეცნო

პრეზიდენტი სამხედროებს გაესაუბრა და სახელმწიფო ჯილდოები გადასცა.

“მინდა მადლობა გადაგიხადოთ თქვენი დიდი შრომისთვის, სამსახურისთვის ყველას, ჩვენი სახელმწიფოს დასაცავად. მადლობა თითოეულს. მინდა ჯანმრთელობა გისურვოთ თქვენ და თქვენს ოჯახებს, ვინც მხარს გიჭერთ. გაუფრთხილდით თავს.” მიმართა ზელენსკიმ სამხედროებს.

სახელმწიფოს მეთაური ესტუმრა სანატორიუმსაც, დაათვალიერა სამკურნალო და საცხოვრებელი ოთახები.

შეგახსენებთ, რომ ზელენსკიმ ხარკოვის რეგიონშიც მოინახულა ფრონტის ხაზზე, უკრაინელი სამხედროების მოწინავე პოზიციები.