უკრაინის პრეზიდენტმა ვოლოდიმირ ზელენსკიმ შემდგომ კვირას მნიშვნელოვანი ამბების გავრცელება დაანონსა, მათ შორის ხელისუფლების მხრიდანაც. ამის შესახებ უკრაინის პირველმა პირმა გავცელებულ ვიდეომიმართვაში ისაუბრა.
„უკვე ვემზადები ახალი კვირისთვის – იქნება მნიშვნელოვანი ახალი ამბები, მათ შორის სახელისუფლებო მაღალჩინოსნებისგან“,- განაცხადა ზელენსკიმ.
ამასთან, პრეზიდენტმა რამდენიმე ქვეყანაში ელჩების გათავისუფლების საკითხიც განმარტა.
„ეს როტაციის საკითხია – დიპლომატიური პრაქტიკის ჩვეულებრივი ნაწილი. ჩეხეთში, გერმანიაში, უნგრეთში, ნორვეგიასა და ინდოეთში დაინიშნებიან უკრაინის ახალი წარმომადგენლები. კანდიდატების მომზადება საგარეო საქმეთა სამინისტროს მეშვეობით მიმდინარეობს“,- განაცხადა ზელენსკიმ.
ცნობისთვის, დღეს უკრაინის პრეზიდენტმა 5 ქვეყანაში საგანგებო და სრულუფლებიანი ეჩები თანამდებობიდან გაათავისუფლა.
Loading ...