დღეს დილით აფეთქება მოხდა რუსეთის ჩრდილოეთ ოსეთის რესპუბლიკის დედაქალაქ ვლადიკავკაზის სავაჭრო ცენტრ „ალანია მოლში”. არის მსხვერპლი.
პირველი ცნობები, რომ ადგილობრივი დროით დილის ცხრის ნახევრისთვის სავაჭრო ცენტრში მომხდარმა აფეთქებამ ხანძარი გამოიწვია, რუსულმა ტელეგრამ-არხებმა გაავრცელეს.
დილის 10 საათისთვის რუსეთის სახელმწიფო სააგენტო „ტასმა” ადგილობრივ „ოპერატიულ სამსახურებზე” დაყრდნობით დაადასტურა, რომ ვლადიკავკაზის სავაჭრო ცენტრში გაჩენილ ხანძარს წინ უძღოდა აფეთქება. სააგენტოს ცნობით, დაიღუპა სულ მცირე ერთი და დაშავდა ცხრა ადამიანი.
წინასწარი ვერსიით აფეთქება გაზის გაჟონვამ გამოიწვია.
კომენტარები
Loading ...