ვის განიხილავს პრეზიდენტის პოსტზე “ქართული ოცნება” – მედიაში ვრცელდება ინფორმაცია, რომ შესაძლოა, ამ თანამდებობაზე კონსტანტინე გამსახურდია განიხილებოდეს, რომელიც პარლამენტის ეროვნულ ბიბლიოთეკას ხელმძღვანელობს.
მმართველ გუნდში ჯერჯერობით ამ ინფორმაციას არ ადასტურებენ, თუმცა ამბობენ, რომ გამსახურდიას საწინააღმდეგო არაფერი აქვთ.
ამასთან, კიდევ ერთი ვერსიის თანახმად, პრეზიდენტის პოსტზე შესაძლოა, ირაკლი ღარიბაშვილი იქნეს შერჩეული, თუმცა მთავარი, რაზეც დღეს “ოცნება” აქცენტს აკეთებს, არის ის, რომ კანდიდატი, რომელიც შერჩეული იქნება, მათი მტკიცებით, “ქვეყნის ერთგული უნდა იყოს”.
ივანიშვილის პარტია არ მალავს, რომ წინა პრეზიდენტებმა იმედები გაიცრუათ და ახლა საკითხს მეტი ყურადღებით უნდა მოეკიდნონ.
პარლამენტი პრეზიდენტის არჩევნების თარიღს დღეს დაასახელებს – ამის შესახებ შალვა პაპუაშვილმა გუშინ განაცხადა.
“ქართული ოცნება” აპირებს, პრეზიდენტის არჩევა და ინაუგურაცია მიმდინარე წელს ჩატარდეს.
Loading ...