ყველა ის ადამიანი, რომელმაც 25 აპრილამდე ჩააბარა მართვის მოწმობის ასაღებად საჭირო თეორიული გამოცდა, თუმცა პრაქტიკულ ნაწილში ჩაიჭრა, განმეორებით გამოცდას დღეს მოქმედი წესით გაივლის. ინფორმაცია რადიო თავისუფლებას შინაგან საქმეთა სამინისტროდან მიაწოდეს.
დღეიდან, 22 აპრილიდან 25 აპრილის ჩათვლით უქმე დღეებია – ეს იმას ნიშნავს, რომ ეს წესი გავრცელდება მხოლოდ მათზე, ვისაც უკვე ჩაბარებული აქვს თეორიული გამოცდა.
თუ გამოსაცდელი პრაქტიკულ ნაწილში ჩაიჭრა, მას განმეორებითი უფასო გამოცდის ჩაბარება შეუძლია ზუსტად ერთი კვირის თავზე, ჯამში მაქსიმუმ 5 ცდა. ფასიანი გამოცდის ჩაბარება შესაძლებელია ორშაბათიდან შაბათის ჩათვლით, დღეში მხოლოდ ერთი მცდელობაა დასაშვები. “უფასო გამოცდაზე” გასვლა შესაძლებელია ბოლო გამოცდიდან ზუსტად ერთი კვირის თავზე.
25 აპრილიდან ამოქმედდება მართვის მოწმობის აღებასთან დაკავშირებით კანონში შესატანი ცვლილებები – კანონმდებლობა მკაცრდება. მართვის მოწმობის ასაღებად აღარ არის საკმარისი თეორიული გამოცდისა და დახურულ სივრცეში პრაქტიკული გამოცდის ჩაბარება. მართვის მოწმობას აიღებს მხოლოდ ის მოქალაქე, რომელიც ქალაქის ქუჩებში წარმატებით გაართმევს დავალებას თავს.
www.radiotavisupleba.ge
Loading ...