ქვიშხეთთან მომხდარ ავტოსაგზაო შემთხვევას ბაქარ ბანძელაძისა და მისი სამი შვილის სიცოცხლე ემსხვერპლა. ხოლო 30-წლამდე მეუღლე უმძიმეს მდგომარეობაში მცხეთის საავადმყოფოშია გადაყვანილი.
ოჯახი ქუთაისიდანაა. ბაქარ ბანძელაძე წლების განმავლობაში საზღვარგარეთ მუშაობდა და საქართველოში ცოტა ხნის წინ დაბრუნდა.
გუშინ პატარა გოგონას დაბადების დღე ჰქონდა, რომელიც ბაკურიანში აღნიშნეს. ავტოსაგზაო შემთხვევა მაშინ მოხდა, როდესაც ოჯახი შინ ბრუნდებოდა.
სასწრაფო სამედიცინო დახმარების ცენტრის ინფორმაციით, გარდაცვლილები 12, 10 და 8 წლის მოზარდები არიან.
არსებული ინფორმაციით, მძღოლმა საჭე ვერ დაიმორჩილა და მდინარე მტკვარში გადავარდა.
შსს-ს ცნობით, მომხდარზე გამოძიება სისხლის სამართლის კოდექსის 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან ორზე მეტი ადამიანის სიცოცხლის მოსპობა გამოიწვია.
წყარო: ambebi.ge
Loading ...
