ციფრული სიძულვილის საწინააღმდეგო ცენტრის კვლევამ აჩვენა, რომ კორონავირუსის ინფექციის საწინააღმდეგო ვაქცინებზე მითების უმრავლესობა, ასე თუ ისე, საწყისს იღებს 12 მსხვილი პროპაგანდისტისგან.
Covid-19-ის ვაქცინაციას შეუძლია არა მარტო ადამიანების სიცოცხლის, არამედ მსოფლიო ეკონომიკის გადარჩენა, რამეთუ შეაჩერებს პანდემიას. როგორც ცნობილია, ამას ეწინააღმდეგება ადამიანთა გარკვეული ნაწილი, რომლებიც ვაქცინაციას უნდობლობას უცხადებენ.
ციფრული სიძულვილის საწინააღმდეგო ცენტრის (დიდი ბრიტანეთი) და Anti-Vax Watch მკვლევარებმა გაანალიზეს Facebook-სა და Twitter-ზე 2021 წლის 1 თებერვლიდან 16 მარტის ჩათვლით გამოქვეყნებული 812 ათასზე მეტი შეტყობინება. აღმოჩნდა, რომ პოსტების უმრავლესობა მოდიოდა 12 ადამიანისა და მათთან
დაკავშირებული ორგანიზაციებიდან.
მკვლევარებმა ჩამოთვალეს მათი სახელები: ჯოზეფ მერკოლი, რობერტ ფრენსის კენედი უმცროსი, ტაი და შარლინ ბოლინჯერები (ერთი ორგანიზაციის სახით გაერთიანებულები), შერი ტენპენი, რიცუ ისლამი, რაშიდა ბატარი, ერინ ელიზაბეტი, სეიერ ჯი, კელი ბროგანი, კრისტიან ნორტრაპი, ბენ ტაპერი და კევინ ჯენკინსი.
არ არის აუცილებელი, ადამიანი იყოს ზემოთ ჩამოთვლილთა ექაუნთის გამომწერი. სოციალურ ქსელებში მოხვედრილი ანტივაქცინური პროპაგანდის უმეტესობა, სწორედ მათგან მოდის. ისინი მართავენ ორგანიზაციებს, რომელთაგან თითოეულს ჰყავს 60-მდე თანამშრომელი. ასევე აწარმოებენ აქტივისტებისათვის სასწავლო ლიტერატურას, ახორციელებენ სხვადასხვა აუდიტორიისთვის საკუთარი შეტყობინებების ადაპტირებას, მართავენ შეხვედრებსა და საერთაშორისო კონფერენციის მსგავს ფორუმებს.
წყარო: mkurnali.ge
Loading ...