ვიეტნამში კარაოკე ბარში ხანძრის შედეგად დაღუპულთა რიცხვი 32-მდე გაიზარდა

ვიეტნამის სამხრეთ ნაწილში, კარაოკე ბარში ხანძრის შედეგად  დაღუპულთა რიცხვი 32-მდე გაიზარდა, – ამის შესახებ BBC იუწყება. ხანძარი გვიან ღამით დაწესებულების მეორე სართულზე გაჩნდა და სწრაფად გავრცელდა, რის შედეგადაც მომხმარებლები და თანამშრომლები შენობაში ბლოკირებულები აღმოჩნდნენ.ადგილობრივი მედიის ცნობით, ოთხი ადამიანი მეორე და მესამე სართულიდან გადახტა. ისინი გადარჩნენ, თუმცა დაშავებულები არიან. მეხანძრე-მაშველები შემთხვევის ადგილზე  მალევე მივიდნენ და ხანძრის ლიკვიდაციას ერთი საათი დასჭირდა. ხანძრის გაჩენის მომენტში ბარში 60-მდე ადამიანი იმყოფებოდა.„ხანძარი ბარის მეორე სართულზე გაჩნდა და სწრაფად გავრცელდა მესამე სართულზე, რომელიც სავსე იყო აალებადი მასალებით“, – ნათქვამია განცხადებაში.ტრაგედიის შემდეგ ვიეტნამის პრემიერმა,  მაღალი რისკის ადგილების, განსაკუთრებით კარაოკე ბარების შემდგომი შემოწმების განკარგულება გასცა.ხანძრის გამომწვევი მიზეზი უცნობია და გამოძიება მიმდინარეობს. თუმცა წინასწარი მონაცემებით, ხანძრის მიზეზი მოკლე ჩართვა იყო.