ვიდეო – ხანძარი ნასაკირალის საბავშვო ბაღში

ოზურგეთის დაბა ნასაკირალში საბავშვო ბაღის შენობა იწვის. ცეცხლი საკმაოდ დიდ არეალზეა გავრცელებული. უკვე მთლიანად დაიწვა. ის ნაწილი, სადაც სამჯგუფიანი ბაღის ერთი ჯგუფი იყო განთავსებული. ადგილზე სახანძრო სამსახურის ორი ეკიპაჟი მუშაობს, თუმცა ცეცხლის ლოკალიზება ჯერჯერობით ვერ ხერხდება. გავრცელებული ინფორმაციით, ცეცხლი თავდაპირველად მესამე სართულის მანსრადზე, მოძველებულ ელექტროგაყვანილობას გაუჩნდა. ადგილობრივების თქმით, სახანძრო სამსახურს არ აღმოაჩნდა კიბე და საკმარისი წყალი. აქვე იყო განლაგებული ნასაკირალის საარჩევნო უბანიც. ამ წუთებში მოსახლეობას საბავშვო ბაღის შენობიდან ნივთები გამოაქვს. შემთხვევის შედეგად არავინ დაზიანებულა.