ვიდეო – ციკლონმა „ჰარიმ“ იტალიაში ძლიერი წვიმა და ქარიშხალი გამოიწვია

ციკლონმა „ჰარიმ“ იტალიაში ძლიერი წვიმა და ქარიშხალი გამოიწვია.

ადგილობრივი ხელისუფლების წარმომადგენლების განცხადებით, იტალიის სამხრეთ რეგიონებში ამინდის გაუარესების გამო სამაშველო სამსახურებმა სამი დღის განმავლობაში 1 650-ზე მეტი სამაშველო ოპერაცია განახორციელეს.

ამასთან, განგაშის წითელი დონე გამოცხადდა სიცილიის გარკვეულ ნაწილში. პალერმოში საცხოვრებელი შენობებიდან რვა ადამიანის, მათ შორის ორი ბავშვის ევაკუაცია განხორციელდა მას შემდეგ, რაც წყალმა სარდაფები დატბორა.

ადგილობრივი ხელისუფლების წარმომადგენლების თქმით, დაახლოებით 150 მუნიციპალიტეტში სკოლები დაიხურა.

როგორც მედია წერს, სამაშველო სამსახურები მზადყოფნაში რჩებიან, რადგან პროგნოზების თანახმად, ქარიშხალი, შესაძლოა, კიდევ გაგრძელდეს.