ვიდეო – ჩოხატაურში, სოფელ ხიდისთავში ფესტივალი – „ღვინის დღეები“ დაიწყო

მთავრობის ადმინისტრაციის ორგანიზებით ჩოხატაურში, სოფელ ხიდისთავში ფესტივალი – „ღვინის დღეები“ დაიწყო. ფესტივალში 20 – მდე გურული მეღვინე იღებს მონაწილეობას, რომლებმაც სტუმრებს სხვადასხვა სახეობის გურული ვაზისგან დამზადებული ღვინოები წარმოუდგინეს. ასევე მიმდინარეობს ადგილობრივი ნაწარმის გამოფენა-გაყიდვა, შემეცნებითი აქტივობები, აქვეა ქართული კერძების სივრცეც. საღამო გალაკონცერტით დასრულდება, რომელშიც მონაწილეობას მიიღებენ მაგდა ნიკოლეიშვილი, სოფო ხალვაში, აჩიკო ნიჟარაძე, დათუნა სირბილაძე, სოფო პაპუაშვილი, ელენე ფოჩხუა, ანუკი ცქვიტინიძე და გელა დონაძე, გელა დონაძის კვარტეტი, დავით მაზანაშვილის ბენდი.