ვიდეო – ფიზიკური დაპირისპირება „ორ ნაბიჯში“ – მთვრალი უცხოელი თანამშრომლებს თავს დაესხა

გავრცელდა კადრები, სადაც ჩანს, როგორ დაესხა თავს „ორი ნაბიჯის“ ერთ-ერთ მაღაზიაში მთვრალი უცხოელი თანამშრომლებსა და სტუმრებს.

ყველაფერი დაიწყო იმით, რომ მამაკაცმა მიიჩნია, მას არასწორად დაუანგარიშეს თანხა და ამის გამო მაღაზიის თანამშრომლების შეურაცხყოფა მიაყენა, რის შემდეგაც ერთ-ერთ ქალბატონს ფიზიკურად გაუსწორდა.

საპატრულო პოლიციამ  უკვე დააკავა მამაკაცი, დაკავებული ინგლისის მოქალაქეა.

როგორც  შინაგან საქმეთა სამინისტროში განაცხადეს,  მომხდარზე გამოძიება სსკ-ის 239 მუხლით მიმდინარეობს, რაც ხულიგნობას გულისხმობს.

დაზარალებულებს მძიმე დაზიანებები არ მიუღიათ და თავს კარგად გრძნობენ. კომპანია განმარტებას, ჯერჯერობით, არ აკეთებს.