ვიდეო – საინფორმაციო შეხვედრა გურიაში ელექტროგადამცემი ხაზის მშენებლობასთან დაკავშირებით

„საქართველოს სახელმწიფოელექტროსისტემა“ ჩოხატაურისა და ოზურგეთის მუნიციპალიტეტებში მასშტაბურ ინფრასტრუქტურულ პროექტს ახორციელებს. გურიის პროექტი წარმოადგენს „ელექტროენერგეტიკული ქსელის გაუმჯობესების პროგრამის (ENIP) ნაწილს დაითვალისწინებს ორჯაჭვა 110 კვ ელექტროგადამცემი ხაზის მშენებლობას ოზურგეთიდან ზოტის მიმართულებით, ასევე ოზურგეთიდან პალიასტომის მიმართულებით 220 კვ ეგხ-ის და ოზურგეთის მუნიციპალიტეტის სოფელ ლიხაურში 110/220 კვ ქვესადგურის მშენებლობას. პროექტი ხორციელდება KfW-ს განვითარების ბანკის დაფინანსებით, „გადამცემი ქსელის გაძლიერების პროექტის“ ფარგლებში. იმის გათვალისწინებით, რომ ადგილობრივ მოსახლეობაში არ არის საკმარისი ინფორმაცია აღნიშნულ პროექტთან დაკავშირებით, არასამთავრობო ორგანიზაციებმა – კავშირი მდგრადი განვითარებისათვის „ეკოვიჟენმა“ და გარემოსდაცვითმა სათემო ორგანიზაციამ „ეკომ“ ოზურგეთის მუნიციპალიტეტში საინფორმაციო ტიპის საჯარო შეხვედრა ჩაატრა. შეხვედრას „საქართველოს სახელმწიფო ელექტროსისტემის“ წამომადგენლები და ექსპერტები დაესწრნენ. შეხვედრაზე ასევე მოწვეულნი იყვნენ ადგილობრივი თვითმმართველობის წარმომადგენლები, ადგილობრივი არასამთავრობო სექტორი, ადგილობრივი მოსახლეობა, ადგილობრივი მედია და სხვა დაინტერესებული პირები. შეხვედრა დისკუსიის ფორმატში წარიმართა. დაინტერესებულ მხარეებს შესაძლებლობა ჰქონდათ განეხილათ გარემოსდაცვითი და სხვა მათთვის საინტერესო საკითხები, მოწვეული ექსპერტები შეეცადნენ ამომწურავი პასუხები გაეცათ მათი შეკითხვებისთვის.