ოზურგეთის მუნიციპალიტეტის სოფელ დვაბზუში შუახნის მამაკაცი მძიმედ დაჭრეს. შემთხვევა გუშინ შუადღის საათებში მოხდა. ინციდენტი საცხოვრებელი სახლის გაყიდვის საკითხს მოჰყვა.
დაჭრილის გადარჩენა ოზურგეთის კლინიკა “მედალფაში” ოთხსაათნახევრიანი ოპერაციის შემდეგ მედიკოსებმა შეძლეს. დაჭრილი მამაკაცის მდგომარეობა ამ ეტაბზე საშუალო სიმძიმისააა. ის რეანიმაციული განყოფილებიდან უკვე პალატაშია გადაყვანილი.
სამართალდამცველებმა, ჩატარებული ოპერატიულ-სამძებრო და საგამოძიებო მოქმედებების შედეგად, ი.ა. ბრალდებულის სახით მომხდარიდან მალევე დააკავეს. პოლიციამ, დაკავებულის პირადი ჩხრეკისას, დანაშაულის ჩადენის იარაღი – დანა ნივთმტკიცების სახით ამოიღო. ჯანმრთელობის განზრახ მძიმე დაზიანების ფაქტზე გამოძიება საქართველოს სისხლის სამართლის კოდექსის 117-ე მუხლის 1-ლი ნაწილით მიმდინარეობს დანაშაული 3-დან 6 წლამდე ვადით თავისუფლების აღკვეთას ითვალისწინებს.
Loading ...