ვიდეო – “მთლიანი სათხილე, რაც კი გვქონდა ყველაფერი წაგვართვა” – სტიქია ჭანიეთში

კოკისპირულმა წვიმამ სოფელ ჭანიეთში ურუშაძეების ოჯახი ფაქტობრივად თხილის მოსავლის გარეშე დატოვა. ოჯახმა გართულებული ეპიდსიტუაციის გამო თხილის მოხეკვა ვერ მოახერხა, დღეს მოვარდნილმა ნიაღვარმა კი მათი მოსავალი, ტონაზე მეტი თხილი, მთლიანად წაიღო. ოჯახი უკვე მრავალი წელია მილხიდის აღდგენას და გაკეთებას ითხოვს. ჭანიეთში ფერმერებსაც შეექმნათ ძლიერი წვიმის გამო პრობლემა, როგორც თავად ამბობენ დატბორილია მათი ნაკვეთები, რაც სანიაღვრე არხების არარსებობითა და ზოგან კი გაუწმენდაობითაა გამოწვეული. სოფელ ჭანიეთში მერის წარმომადგენელი ირაკლი რამიშვილი ამბობს, რომ სოფელში მოსულმა ნალექმა მოსახლეობა დააზარალა. შექმნა მეწყერული ზონები და დატბორა საკარმიდამო ნაკვეთები, ამბობს, რომ თითოეული მოსახლის მდგომარეობა ფოტოზე აქვს აღწერილი და მერიის ინფრასტრუქტურის სამსახურს მიაწვდის.

მასალა მომზადებულია პროექტის “ჩვენ ვირჩევთ, ჩვენ ვაკონტროლებთ” ფარგლებში.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ-ის საელჩოს ალუმნი საგრანტო პროგრამის ფარგლებში