ვიდეო – ლანჩხუთელმა ქალმა ფეხბურთელებმა დიდი ანგარიშით გაიმარჯვეს

საქართველოს საფეხბურთო ჩემპიონატის ქალთა ლიგაში, ზედა ჯგუფის შეხვედრები დაიწყო.

ოთხეულების პირველ მატჩში ქალთა საფეხბურთო კლუბმა “ლანჩხუთმა” “კვარტალს” უმასპინძლა და დიდი ანგარიშით, 6-0 დაამარცხა.

ლანჩხუთელმა ეთერ სულაშვილმა ჰეთ-თრიკი შეასრულა, თითო გოლი გაიტანეს ანასტასია ბოლქვაძემ, გაბრიელა კამარგომ და  ჩისომ ონიევუენიმ.

გაიმარჯვა გათამაშების ლიდერმაც “ნიკე-ლუსომ”, 3-0.

ზედა ჯგუფს 19 ქულით “ნიკე-ლუსო” ლიდერობს, “ლანჩხუთს” 16 ქულა აქვს და მეორე ადგილზეა.