ვიდეო – თურქეთში ძლიერ მიწისძვრას ნგრევა მოჰყვა

თურქეთის საგანგებო სიტუაციების მართვის სამსახურის (AFAD) მიხედვით, თურქეთში, ბალიქესირის პროვინციაში, 6.1 მაგნიტუდის სიმძლავრის მიწისძვრა მოხდა.

მედიაში გავრცელებული ინფორმაციის თანახმად, რიგი შენობები დაზიანდა, თუმცა დაზარალებულთა შესახებ ცნობები ჯერ არ გავრცელებულა.

AFAD-ის ცნობით, მიწისძვრა ადგილობრივი დროით დაახლოებით 22:48 საათზე მოხდა, მისი ეპიცენტრი კი ქალაქ სინდირგიში მდებარეობდა.

ცნობისთვის, 10 აგვისტოს, ასევე ბალიქესირის პროვინციაში მომხდარი მიწისძვრის შედეგად ერთი ადამიანი დაიღუპა, 29 კი დაშავდა. მისივე თქმით, მიწისძვრის შედეგად 16 შენობა ჩამოინგრა.

AFAD-ის ინფორმაციით, მიწისძვრა 6.1 მაგნიტუდის სიმძლავრის იყო და მისი სიღრმე 11 კმ-ს შეადგენდა, ხოლო გერმანიის გეოლოგიური მეცნიერებების კვლევითი ცენტრის (GFZ) მიხედვით, მიწისძვრის სიმძლავრე 6.19 მაგნიტუდა იყო, სიღრმე კი – 10 კმ.