ვიდეო – დღეს ოზურგეთი ღვინის ფესტივალს უმასპინძლებს

ღვინის ფესტივალს „ღვინის დღეები“ დღეს ოზურგეთი უმასპინძლებს. საქართველოს მთავრობის ადმინისტრაციის ორგანიზებით და ოზურგეთის მერიის ჩართულობით, ჭადრების პარკში ფესტივალის სამზადისი აქტიურად მიმდინარეობს. ღონისძიება 17:00 საათზე დაიწყება და მოსულ სტუმრებს შესაძლებლობა ექნებათ შეიძინონ და დააგემოვნონ ქართული ღვინო. მოხდება ღვინის ფარული დეგუსტაცია სომელიესთან ერთად, ღვინით ხატვა; ტრადიციული კერძებით გამასპინძლება; მოეწყობა საგამოფენო სივრცები და ჩატარდება ექსკურსია მეწარმე ნიკა სიორიძის მარანში. ღვინის ფესტივალი „თეატრალურის კვარტეტის“ და ჯგუფი „გუფი ლენდის“ კონცერტით დასრულდება.