ვენეციის ხელისუფლებამ ძლიერი წყალდიდობის გამო ქალაქში საგანგებო ვითარება გამოაცხადა. წყლის დონემ 187 სანტიმეტრით გადააჭარბა საშუალო დონეს, რაც მხოლოდ 7 სანტიმეტრით ნაკლებია 1966 წლის წყალდიდობაზე, რომელიც ყველაზე დიდი წყალდიდობა იყო, რაც კი ოდესმე აღრიცხულა ვენეციაში.
წყალმა დატბორა ქალაქის მთავარი ღირსშესანიშნაობა – წმინდა მარკოზის მოედანი. ოთხშაბათს იქ წყლის დონემ ერთ მეტრს მიაღწია. წმინდა მარკოზის ბაზილიკა მეექვსედ დაიტბორა უკანასკნელი 1200 წლის განმავლობაში.
ზარალი მიადგა სხვა ღირსშესანიშნაობებსაც. ხელისუფლება სტიქიის წინააღმდეგ საბრძოლველ ზომებს ატარებს.
ქალაქის მერმა ლუიჯი ბრუნიარომ წყალდიდობას გლობალური დათბობის შედეგი უწოდა.
როგორც იტყობინებიან, წყალდიდობის შედეგად ორი ადამიანი დაიღუპა.
www.radiotavisupleba.ge
კომენტარები
Loading ...
