„ექსპო-ჯორჯიასთან“ მიმდინარე საპროტესტო აქციაზე დაკავებული სამოქალაქო აქტივისტები გაათავისუფლეს.
როგორც შინაგან საქმეთა სამინისტროს შენობიდან გამოსვლის შემდეგ ერთ-ერთმა აქტივისტმა ჟურნალისტებს განუცხადა, ისინი პოლიციამ ხელწერილის საფუძველზე გაათავისუფლა.
თუმცა მათი განმარტებით, პოლიციის შენობა დატოვა ყველამ, გარდა ერთი აქტივისტის, გიორგი მუმლაძისა, რომელიც დაკავებული რჩება.
როგორც შინაგან საქმეთა სამინისტროს შენობასთან მიმდინარე აქციაზე სამოქალაქო აქტივისტებმა განაცხადეს, ისინი ახლა გადაინაცვლებენ წერეთლის გამზირზე მდებარე პოლიციის განყოფილებასთან, სადაც მათივე ინფორმაციით, გადაყვანილია გიორგი მუმლაძე.
შეგახსენებთ, რომ “ექსპო-ჯორჯიასთან“ სამართალდამცავებმა ადმინისტრაციული წესით სულ 9 პირი დააკავა.
კომენტარები
Loading ...
