18 ნოემბერს 12:00 საათიდან თბილისში, სამედიცინო დაწესებულებების წინ ექმები „თეთრი ხალათების“ აქციას გამართავენ და ასე გამოუცხადებენ სოლიდარობას და მხარდაჭერას ცხინვალში დაპატიმრებულ ქართველ ექიმს, ვაჟა გაფრინდაშვილს.
„გამოვუცხადოთ მხარდაჭერა ექიმ ვაჟა გაფრინდაშვილის! გავაპროტესტოთ უკანონო დაკავების ფაქტი. დავდგეთ ერთად თეთრი ხალათებით და 5 წუთის განმავლობაში მდუმარე აქციით გამოვხატოთ პროტესტი”, – ვკითხულობთ ორგანიზატორთა მიმართვაში.
ექიმ ვაჟა გაფრინდაშვილს ოკუპირებული ცხინვალის დე ფაქტო სასამართლომ 15 ნოემბერს 2-თვიანი პატიმრობა შეუფარდა. დე ფაქტო უწყება მას „საზღვრის“ განზრახ უკანონო კვეთას ედავება.
ექიმი ვაჟა გაფრინდაშვილი საოკუპაციო გამყოფ ხაზთან 9 ნოემბერს დააკავეს, საქართველოს სახელმწიფო უწყებებმა ამის შესახებ განცხადება 4 დღის შემდეგ გააკეთეს.
www.radiotavisupleba.ge
Loading ...