ექიმი ლევან რატიანი სკანდალში ეხვევა. ის ვალდებულია ახლა სამსახურში აღადგინოს მედდა, რომელმაც ცნობილი ექიმი ფსიქოლოგიურ ტერორში ამხილა.
პირველი საუნივერსიტეტო კლინიკის წინააღმდეგ სამართლებრივი დავა სწორედ მომჩივანი ექთნის გამარჯვებით დასრულდა.
მედდა, რომელიც უკეთეს შრომით უფლებებს და ხელფასის მომატებას ითხოვდა, სამსახურიდან გაათავისუფლეს. მისი თქმით, ანაზღაურების გაზრდის მოთხოვნის შემდეგ, ექიმი მას შეურაცხყოფას აყენებდა. აიძულებდა ეღიარებინა სამსახურეობრივი გადაცდომა, რომელიც რეალურად არ ჩაუდენია და ამის გამო კლინიკიდან წასულიყო.
ჩემს გათავისუფლებას წინ უძღოდა ფსიქოლოგიური ძალადობა. 24 საათიანი მორიგეობის შემდეგ მაიძულებდა შანტაჟით, ყვირილით მეღიარებინა ის, რაც არ ყოფილა“. – ამბობს ექთანი.
ლევან რატიანი ექთნის ბრალდებებს კატერიულად უარყოფს დაამბობს, რომ ნინო ჭანკვეტაძე სამსახურიდან დაუდევრობის გამო გაათავისუფლა და აპირებს სასამართლოს გადაწყვეტილება გაასაჩივროს
მე მეგონა, მადლობას მეტყოდნენ, როცა საფრთხის მომცემ მედ-პერსონალს სამსახურიდან გავათავისუფლებდი. ნებისმიერ ასეთ დარღვევაში, სადაც დაარღვევს ნებისმიერი მედ-პერსონალი, ყველა ღონეს მოვიხმარ, რომ ასეთი ჩემს გუნდში არ იყოს. გადაწყვეტილება სააპელაციო სასამართლოში აუცილებლად გასაჩივრდება და პირობას ვიძლევი, რომ ქალბატონ ნინოს მსგავსი პერსონა ჩემს კლინიკას არ ეყოლება და ანალოგიურს ვუსურვებს ქვეყანას“ .- განაცხადა ლევან რატიანმა.
ლევან რატიანის წინააღმდეგ სარჩელი მედიკოსმა პროკურატურაშიც შეიტანა, მანამდე კი ვიდრე დავა დასრულდება, პირველი საუნივერსიტეტო კლინიკა ვალდებულია გათავისუფლებული ექთანი სამსახურში აღადგინოს.
Loading ...