ესტონეთში დააკავეს ქართველი, ბიბლიოთეკიდან “პუშკინისა” და “გოგოლის” იშვიათი გამოცემების ქურდობისთვის

ესტონეთში, ტარტუს უნივერსიტეტის ბიბლიოთეკიდან წიგნების ქურდობისთვის, საქართველოს მოქალაქეს 2 წლით თავისუფლების აღკვეთა მიუსაჯეს. მედიის ცნობით, დანაშაული 2022 წლის გაზაფხულზეა მომხდარი.

საქმე ეხება 8 იშვიათი გამოცემის მოპარვას. გამოცემებს შორის, რომლებიც დამნაშავემ მაღალ დონეზე დამუშავებული ყალბი წიგნებით შეცვალა, იყო რუსი მწერლების – პუშკინისა და გოგოლის ნაწარმოებების ორიგინალებიც, რომლებიც მე-19 საუკუნით თარიღდება.

“სასამართლოს ბოლო გადაწყვეტილებით, საქართველოს მოქალაქეს მიესაჯა ორი წლით თავისუფლების აღკვეთა ტარტუს ბიბლიოთეკიდან პუშკინისა და გოგოლის ნამუშევრების უვადო გამოცემების ქურდობისთვის, იტყობინება ERR. სასამართლომ ბექა ცირეკიძეს თავდაპირველად სამი წლით თავისუფლების აღკვეთა მიუსაჯა, მაგრამ ვადა ერთი მესამედით შეუმცირა, რადგან საქმე დაჩქარებული წესით განიხილებოდა. სასამართლომ დამატებით სასჯელად ცირეკიძეს ესტონეთიდან გაძევება და ქვეყანაში ხელახალი შესვლა ხუთწლიანი აკრძალვა დაუწესა. გარდა ამისა, ტარტუს ოლქის სასამართლომ დააკმაყოფილა ტარტუს უნივერსიტეტის მიერ შეტანილი სამოქალაქო სარჩელი და დაავალა უცხოელს გადაეხადა 158,000 ევრო მატერიალური ზიანის ანაზღაურების სახით. მას ასევე მოეთხოვება 2712 ევროს ოდენობის იურიდიული ხარჯების დაფარვა.”