'' ეს არის ერთუჯრედიანი, განუვითარებელი ადამიანი'' – როზეტა სკამკოჩაიშვილი დავით მჟავანაძის შესახებ

ოზურგეთის საკრებულოს დეპუტატის დავით მჟავანაძის განცხადებასთან დაკავშირებით, სოფელ დვაბზუს მაჟორიტარმა დეპუტატმა შემდეგი კომენტარი გააკეთა.

– რა თქმა უნდა, ცრუ ინფორმაციას ავრცელებს. სოფელში მოიკითხონ, მქონდა თუ არა 2012 წელს შტაბი ოჯახში, აგერ არის სოფელი და კარგად იციან, სად ვიყავი, სად ვარ და სად ვიქნები. მე არ ვარ  დათო მჟავანაძესავით მერყევი პიროვნება. თვითონ სად იყო 2012  წელს, აი,  ეს არის საკითხავი.

დავით მჟავანაძე ამბობს, რომ შესაძლოა, დოკუმენტაცია გაასაჯაროვოს, რომლითაც დაადასტურებს, რომ ”ნაციონალური მოძრაობის” აგიტატორი იყავით.

– გეკადრებათ? ეგენი ყველაფერს მოიფიქრებენ და გაავრცელებენ, შეიძლება ეგეთი დეზინფორმაცია შეიმუშავონ და გააკეთონ კიდეც, მაგრამ სიმართლე ხალხს ვკითხოთ. ორი მოწვევის დეპუტატი ვარ, 2014 წელს, როცა ”ქართული ოცნებიდან”  ვიყარე კენჭი, მიუხედავად იმისა, რომ შვიდი კანდიდატი მონაწილეობდა, 60%–მდე ხმა ავიღე. მე მაქვს საქმე სოფელში, რომ დავუდგე ხალხს, მივაკითხო გაჭირვებულს, გავიგო მოსახლეობის ჭირ–ვარამი. დათო მჟავანაძის მსგავსად იმაზე ვიფიქრო, ვინ ვანერვიულო და წყობიდან ვინ გამოვიყვანო, მაგისთვის ჩვენ არ გვცალია. ეგეთი დოკუმენტაცია კი არ არსებობს, გამორიცხულია. მისი დეზინფორმაციით  ამ სოფელში ძალიან ბევრი ოჯახი გაუბედურდა. რაც შეეხება ქალების მიმართ მის შეფასებებს, ისინი ქალები, კოლეგები არიან და არ მიმაჩნია ეს ყველაფერი  სწორად, პარტიები მიდიან და მოდიან, ჩვენ შეგვცვლიან სხვები, ჩვენ კი სოფელში უნდა დავრჩეთ. ”ქართული ოცნება” ამას არ იმსახურებს.

მჟავანაძის ქმედება  ადამიანური საქვციელი არ არის, როცა პოლიტიკოსი ხარ, ხალხის საკეთილდღეოდ უნდა აკეთო საქმე, თორემ დეზინფორმაციას კი არ უნდა ავრცელებდე. არც ვაპირებ მაგასთან სერიოზულად საუბარს, ეს არის არასრულფასოვანი, ერთუჯრედიანი ადამიანი, განუვითარებელი.

თუ გენდერული საბჭო დავით მჟავანაძის საბჭოდან გარიცხვის საკითხს დააყენებს, დაუჭერთ თუ არა მხარს?

– ეს გენდერული საბჭოს გადასაწყვეტია, თუმცა მე, როგორც რიგითი წევრი, მხარს დავუჭერ.