საქართველოს ეროვნული ბანკის რეზერვები ოქტომბერში, სექტემბერთან შედარებით, 215 მილიონი დოლარით შემცირდა და 31 ოქტომბრის მდგომარეობით, 3 მილიარდ 386 მილიონ 992 ათას დოლარს შეადგენს.
რეზერვები 2018 წლის დეკემბრის შემდეგ მინიმალურ ნიშნულზეა. კერძოდ, დეკემბრის ბოლოს რეზერვების მოცულობა 3 მილიარდ 288 მილიონ 828 ათასს შეადგენდა, მას შემდეგ კი ზრდის ტენდენციით ხასიათდებოდა.
რეზერვების მაქსიმალური ნიშნული კი, მიმდინარე წლის ივნისის ბოლოს დაფიქსირდა – 3 მილიარდ 735 მილიონ 839 ათასი დოლარი.
ეროვნული ბანკის რეზერვები მიმდინარე წლის სექტემბერშიც შემცირდა. უწყების მიერ გამოქვეყნებულ მიმოხილვაში აღნიშნული იყო, რომ ცვლილება სავალუტო აუქციონებსა და ხაზინასთან განხორციელებულ ოპერაციებს უკავშირდებოდა.
1tv.ge
კომენტარები
Loading ...