ერთმანეთს რამდენიმე ავტომობილი შეეჯახა – მძიმე ავარია სამტრედიაში

სამტრედიაში, აღმაშენებლის ქუჩაზე ავტოსაგზაო შემთხვევა მოხდა.
ერთმანეთს რამდენიმე ავტომობილი შეეჯახა. არსებული ინფორმაციით, არიან მძიმედ დაშავებულები.

ინფორმციას მომხდარის შესახებ “მთავარი ამბები” ავრცელებს.

გამოცემის თანახმად, ერთ-ერთი დაშავებული ავტომობილშია მოყოლილი და მისი გამოყვანის მიზნით მანქანის გაჭრა მიმდინარეობს. სხვა დაშავებულები ამ წუთებში სასწრაფო დახმარების ბრიგადებს საავადმყოფოში გადაჰყავთ.
ადგილზე მობილიზებულია პოლიცია, სახანძრო-სამაშველო სამსახური და სასწრაფო დახმარების ეკიპაჟები.