''ერთი საათია ველოდებით…შეგვცივდა…''– შეხვედრა სოფელ ოზურგეთში

შეხვედრას, რომელიც სოფლის მხარდამჭერი პროგრამის ფარგლებში ჩატარდა, სოფელ ოზურგეთის 1800 ზე მეტი მცხოვრებიდან დაახლოებით 50 ადამიანი ესწრებოდა.

შიდა გზების რეაბილიტაცია, ნაგვის ურნების დადგა, სანიაღვრე არხების გაკეთება, წყლის სისტემის დამონტაჟება – ადგილობრივების მიერ დასმული პრიორიტეტები შეხვედრაზე საკმაოდ მრავალფეროვანი იყო.

სოფლისთვის გამოყოფილი 40 000 ლარის დახარჯვაზე  ადგილობრივებმა ბევრი იმსჯელეს და საბოლოოდ საბავშვო ბაღის ეზოში ჭაბურღლის დადგმასა და ეზოს კეთილმოწყობაზე, ხიდის ქვეშ სკვერის გაკეთებასა და მე 12 ქუჩაზე მოსაცდელის მოწყობაზე შეჯერდნენ. თუმცა რომელ პროექტს ეყოფა აღნიშნული თანხა და რომელ მათგანზე გაკეთდება საბოლოო არჩევანი, ჯერჯერობით ბოლომდე ცნობილი არ არის.