ოზურგეთში, კურორტ გომისმთაზე ახალგაზრდა მამაკაცი გარდაიცვალა. ადგილზე იმყოფება კიდევ სამი ახალგაზრდა, რომლებიც შველას საჭიროებენ. წინასწარი ინფორმაციით ოთხი მამაკაცი გომისმთაზე სანადიროდ იმყოფებოდა. დასასვენებლად ჩამოჯდომისას, ჩაეძინათ და გაიყინენ. ორი ახალგაზრდის მდგომარეობა მძიმეა. სამაშველო სამსახურში დარეკვა ერთმა, შედარებით უკეთეს მდგომარეობაში მყოფმა მამაკაცმა შეძლო. ოთხივე ახალგაზრდა ოზურგეთის სოფელ ბოხვაურის მკვიდრია და ყველა მათგანი 25 წლამდეა. ,,შემოსულია შეტყობინება რომ გომის მთაზე ერთი ადამიანია გაყინული. მობილიზებულია 10 კაციანი სამაშველო ჯგუფი.”- აცხადებენ საგანგებო სიტუაციების მართვის სამსახურში.
დიდთოვლობის გამო გზაზე გადაადგილება ჭირს. მაშველებს წინ მძიმე ტექნიკა მიუძღვება, რომელიც გზის გაწმენდას ახორციელებს.
კომენტარები
Loading ...